A Historia
C.D. BAIO |
|||||
TOTAL LIGAS + COPAS |
|||||
P. X. |
P. G. |
P. E. |
P. P. |
G. F. |
G. C. |
1890 |
743 |
438 |
709 |
3125 |
3092 |
TOTAL COPA DA COSTA |
|||||
208 |
91 |
49 |
68 |
431 |
336 |
SD ESTEIRANA NA COPA DA COSTA |
|||||
153 |
49 |
34 |
70 |
279 |
301 |
O domingo o CD Baio continúa a súa andadura na Copa da Costa e viaxa ata Esteiro para a disputa do partido dos cuartos de final ante o equipo local, a SD Esteirana. O club esteirán foi fundado en 1971, e leva 48 temporadas ininterrompidas competindo: catro en 1ª Autonómica, 28 en 2ª Autonómica e 16 na 3ª. Os seus títulos son tres Ligas da Costa (1977-78, 2012-13 e 2017-18) e unha Copa da Costa (1974-75), con dúas finais perdidas deste torneo (1973-74 e 1976-77). En canto á Copa da Costa, esta é a súa 45ª participación, pois deixou de xogala en tres ocasións: na 1977-78 por xogar a promoción de ascenso, na 1988-89 que se retirou despois do sorteo, e na 2000-01 que renunciou a participar. Ocupa o 14º posto en canto a partidos xogados neste torneo, con 153 encontros disputados. Son 79 as eliminatorias ás que se enfrontou e saíu vencedor en 36 delas. O rival que máis veces coincidiu con el foi o Corcubión, con cinco eliminatorias -das que superou dúas-, seguido polo Porteño e polo Cee, con catro -das que superon dúas con cada un deles-. Son ata o momento 42 os rivais que tivo na Copa da Costa, entre eles o CD Baio, co que xogará por terceira vez unha eliminatoria: a primeira foi na 1982-83, nos cuartos de final, e tras o empate no Balsiño (2-2) o Baio impúxose na volta (0-2); a segunda ocasión foi na 2011-12, na rolda previa, e tras o empate en Esteiro (1-1), o Baio gañaría na prórroga (2-1) nun encontro que non chegara ao final por quedar o equipo esteirán con menos xogadores dos necesarios sobre o campo. Entón, o Baio gañou dous partidos e os outros dous acabaron en empate; os goles marcados polos baieses foron 7 e polos esteiráns 4.
Para o CD Baio está é a súa 49ª participación, e na que leva disputados 208 partidos, o que supón que sexa o 3º club que máis encontros suma nesta competición por detrás de Ponteceso SD (234) e UC Cee (214). Son xa 106 eliminatorias celebradas e 59 delas gañadas, contra 42 rivais distintos: o UC Cee e UD Carnota, en 7 ocasións, o Ponteceso SD, en 6, e o Xallas FC, SD Soneira e UD Corcubión, en 5, son os rivais aos que máis veces se enfrontou o CD Baio.
O partido do domingo
A SD Esteirana compartiu este ano grupo na 1ª Galicia co CD Baio, no que non logrou a permanencia ao quedar entre os tres últimos clasificados. Un mal comezo, agravado polas lesións dalgún dos seus homes, deixouno todo o campionato nos postos baixos. E aínda que o seu xogo e os bos resultados ante equipos potentes parecían demostrar o seu potencial, non logrou abandonar a situación perigosa, e acabou ocupando unha desas tres prazas de descenso directo, tras non conseguir gañar nas últimas cinco xornadas. O míster Geno utilizou durante a temporada un total de 27 xogadores, varios deles xuvenís, mentres que mantén un total de 23 fichas sénior (houbo algunha baixa durante a temporada). Tan só Álex logrou xogar todos os partidos ligueiros, sendo ademais titular en todos eles. Xunto a el os xogadores que máis veces saíron no once inicial foron, por esta orde, Simón, Codesido, Maroñas, Raúl Lestón, Josiño Barreiro, Dani Rama, Josiño Alves, Tobío, Elías, Róber Pladur e Pablo Rama. Na portería repartíronse o mesmo número de encontros Álex de Yi e MJ, pero é certo que este chegou mediada a temporada e desde entón foi titular fixo. Adri e Samu Pensado tamén xogaron bo número de encontros no once, pero case tantos como saíron desde o banco. Manu de Yi e Pachi son habituais saíndo desde o banco, e a presenza dos demais é máis testemuñal, como é o caso de Rafa Piñeiro, David Pais, Ramiro, ou os xuvenís Xián ou Carajillo.
A Esteirana rematou a liga no 16º posto, sumando 33 puntos, con 8 vitorias e 9 empates, mentres que as derrotas foron 17. Os seus números como local son bastante mellores que os que logrou lonxe de Esteiro, pois na casa sumou 21 puntos e fóra 12. Cinco vitorias como local, por seis derrotas e outros tantos empates. En canto ás cifras goleadoras, logrou marcar 37 goles e encaixou 54, o que o converteu no segundo menos goleador e no cuarto máis goleado do grupo. Na casa marcou 25 goles e encaixou 24. O seu máximo goleador foi Róber Pladur, con 13 goles, seguido de Álex e Elías, con 5; Josiño Barreiro e Raúl Lestón, con 4; Tobío marcou 2, mentres que lograron 1 Codesido, Samu Pensado, Maroñas e Pablo Rama.
PRIMEIRA GALICIA – GRUPO 2
S.D. ESTEIRANA – C.D. BAIO
Domingo 26 de maio; 18:00 horas.
Saída de Baio ás 15:45 horas.
Campo: Xosé Luis Vara (Esteiro).
Árbitro: Alberto Martínez Míguez.
Asistentes: Anxo Botana Rey / Agustín Hernández Giadáns.