Previa do Puebla FC-CD Baio

A Historia

C.D. BAIO

TOTAL LIGAS + COPAS

P. X.

P. G.

P. E.

P. P.

G. F.

G. C.

1823

711

421

691

3004

3010

TOTAL LIGAS

1596

617

365

614

2563

2641

1ª AUTONÓMICA

424

171

112

141

645

621

Na sétima xornada da Primeira Galicia o CD Baio viaxa ata A Pobra do Caramiñal para enfrontarse no Campo da Alta ao Puebla FC, un dos grandes favoritos deste grupo. O equipo barbanzano fundouse en 1973, e nas 44 temporadas que leva disputadas, estivo en todas as categorías desde a 3ª División á 3ª Autonómica. Tras as súas cinco primeiras temporadas na Liga do Sar, na 78-79 proclámase campión da 2ª Rexional e ascende á 1ª Rexional. Aquí vai estar cinco temporadas, ata que na 83-84 logra o título en dura loita co CD Baio. Tres campañas en Preferente, para na última delas ser subcampión e ascender á 3ª División, categoría na que botará tameén tres temporadas, descendendo de novo á Preferente polos arrastres. A dúas campañas na Preferente seguíronlle catro na 1ª Rexional, nove na 2ª Rexional para caer na 3ª, na que competiu catro temporadas. Co título na 08-09, ascende á 2ª Autonómica, na que estará tres campañas, a última delas, a 11-12, como campión, ascende á 1ª Autonómica. Outras tres temporadas no grupo semiprovincial, e subcampionato na última delas que lle valeu o ascenso de novo á Preferente tras gañar a promoción. Pero só bota unha temporada e baixa á 1ª Autonómica, na que leva con esta dúas temporadas consecutivas. En resumo, 3 temporadas na 3ª División, 6 na Preferente, 14 na 1ª Autonómica, 13 na 2ª Autonómica (+5 na Liga do Sar) e 3 na 3ª Autonómica. Suma os seguintes títulos: 1 liga de 1ª Rexional, 2 ligas de 2ª Rexional e 1 liga de 3ª Autonómica. Non chegou nunca á final da Copa do Sar, pero si gañou unha Copa Galicia de Preferente.

Enfrontamentos Totais Liga

P. X.

P. G.

CD Baio

P. E.

P. P.

CD Baio

G. F.

CD Baio

G. C.

CD Baio

14

09

02

03

29

16

Xogados na Pobra

07

03

01

03

13

11

Esta será a oitava temporada na que coincidan os dous conxuntos, tres delas na Preferente e as outras cinco na 1ª Autonómica. O primeiro enfrontamento foi o 6 de novembro de 1983, en terras barbanzanas, e o partido rematou con empate (2-2). No partido de volta o Baio impúxose por 2-1, pero non chegaría para impoñerse na loita polo título ligueiro, que se foi ao Caramiñal. Os dous subiron á Preferente, e alí estiveron as tres seguintes campañas; nas dúas primeiras o Puebla impúxose como local (2-0 e 2-1), pero na terceira o Baio logrou a vitoria (0-1) a pesar de que o Puebla acabaría ascendendo á 3ª División. Tiveron que pasar varias temporadas ata que volvesen coincidir na temporada 94-95 na 1ª Rexional e os baieses golearon nos dous encontros (1-5 na Pobra). E máis que houbo que agardar, pois ata a temporada 13-14 non volveron cadrar, e aquí o Baio volveu levar a vitoria (2-3), mentres que ao ano seguinte foi o Puebla o que se impuxo (2-1) antes de ascender á Preferente, no que foi a última visita dos baieses ao campo da Alta. En definitiva, estatísticas moi igualadas nos encontros disputados en campo barbanzano, mentres que no global o Baio é moi superior. A estes enfrontamentos ligueiros hai que sumar unha dobre confrontación moi especial, como foi a final da Copa Galicia 85-86, que acabou gañando o Puebla ao vencer nos dous encontros (2-1 e 0-2).

O partido do domingo

O Puebla FC, como xa dixemos, é un dos claros favoritos ao título ligueiro pola calidade do seu equipo e as súas incorporacións. Tras o seu descenso da Preferente o equipo tardou en collerlle o punto á nova categoría, pero refíxose e rematou a pasada campaña na 4ª posición. E na actual volve intentar dar o salto de categoría, para o cal chegou unha fichaxe mediática como o boirense Changui, ex-xogador de Compostela, Deportivo, etc. etc. Á parte do dianteiro procedente do Ribadumia, chegaron os defensas Pablo Pérez (Estudiantil), Alessandro (Unión), Jesús (Borio Xuvenil) e Xaco (Noia); os centrocampistas Nacho (Boiro Xuv.), Mariño (Conxo Xuv.) e Pap (At. Ribeira), e o dianteiro Diego Rivas (Unión e Valiño, na campaña anterior). Dirixidos por segunda temporada consecutiva por Anxo Casalderrey, ata 20 xogadores xogaron ata o momento, nun plantel no que só tres xogadores sobrepasan os 26 anos (o defensa Manuel Mª e os dianteiros Espi e Changui). Na portería Alassane xogou as tres primeiras xornadas e Juan as tres últimas. Changui foi o único que saíu de titular nos seis encontros, con cinco veces Lass Sene e Pap, e con catro Pablo Pérez, Manuel Mª, Picos e Espi. Tamén foron moi usados, os defensas Xaco, Jesús e Benogo, os centrocampistas Nacho, Manu Treus e Jorge Viturro, e na punta Diego Rivas.

Ocupa actualmente o 8º posto, con 10 puntos, pero só a dous do líder. Impúxose en tres partidos (Chaián, Bertamiráns e en Tordoia), empatou un (co Silleda) e perdeu dous (nas visitas a Flavia e Unión). Suma 7 goles a favor (3 de Pap e Changui, 1 de Viturro), e tan só 4 en contra, o que o converte no menos goleado do grupo. É dicir, é un equipo que basea a súa fortaleza na faceta defensiva, e a partir de aí intenta gañar os partidos a través da calidade dos seus homes de arriba.

PRIMEIRA GALICIA – GRUPO 2

PUEBLA F.C. – C.D. BAIO

Domingo 15 de outubro; 16:30 horas.

Saída de Baio ás 13:30 horas.

Campo: A Alta (Cabío-A Pobra de Caramiñal).

Árbitro: Logan Sampedro Valiño.

Asistentes: Mario Sanín Seoane / Eduardo García Paniagua.

Deixa unha resposta

O teu enderezo electrónico non se publicará Os campos obrigatorios están marcados con *